Dende ou SEPGA solicitamos:

Previsións respecto do concurso ordinario da administración xeral, tendo en cuenta a información ofrecida esta semana por unha organización sindical. Indican que as datas que se mencionaron non son posibles dada a dinámica do concurso na que esta semana finaliza a actuación da Comisión de Valoración. Esperan que neste cuadrimestre (ou sexa finais de marzo ou máis ben en abril) estea listo.

Reclamamos un concurso permanente aínda que Emprego Público anuncia que en diante se prevé facer concursos todos os anos mediante un sistema inspirado no que se realiza no SERGAS, mediante o FIDES e no que cada ano podes inscribirche para participar na relación de postos que se ofreza cada ano.

Pedimos que se realice canto antes unha convocatoria extraordinaria de carreira profesional para o Grao IV, de tal forma que o persoal funcionario que, tras un longo desempeño na administración, estea preto da xubilación poida acceder ao colofón da carreira o que á fin e ao cabo significaría un recoñecemento á traxectoria e a tantos anos dedicados á función pública.

Preguntamos se Emprego Público dispón dalgunha información respecto a as convocatorias que deben realizar dos postos de Concurso Específico e que seguen sendo ignoradas por parte das Secretarías Xerais das Consellerías. Transcorridos practicamente 11 anos desde o establecemento de dita forma de provisión pola lei 2/2015 de emprego público de Galicia e case un ano desde que se negociaron as bases xerais con Emprego Público, séguese sen ter noticia algunha, coas persistentes repercusións negativas que esta situación conleva tanto para as persoas en situación de comisión de servizos eterna, como para a situación de dobre ocupación de prazas que se produce como consecuencia de non convocar os concursos específicos. Porén non obtivemos información ou resposta.

Solicitamos información sobre datas previstas para nomear e asignar destinos na estabilización. Neste sentido indícannos que antes se deben resolver os concursos que xa están convocados e aqueles pendentes de convocatoria.
Singularmente preguntamos novamente acerca de se convocarán concursos en diversas escalas, como na Escala de Inspección Turística tras resolver o proceso selectivo de 2023. Contéstannos afirmativamente e que se fará en canto póidase, o máis axiña posible considerando as cargas de traballo dos concursos que xa están en marcha. Tamén se deben convocar concursos para as tres escalas de Informática, as dúas escalas de Finanzas e en Inspección, sen previsión concreta de datas.

Propoñemos, de novo, que se estableza unha Comisión Permanente de Selección de Persoal, para mellorar a tramitación e calidade dos sistemas de concurso e selección de persoal, que sería renovable por partes de forma periódica.

Expomos a creación e regulación dunha escala xurídica para postos nos que sexa requisito a licenciatura en dereito ou ben que por cuestións de afectación de importantes dereitos dos cidadáns (sanciones etc.) ou importancia para a administración de precisión legal sexa necesario unha formación específica en dereito.

Preguntamos polo estado de tramitación do decreto de Carrera Ordinaria e de avaliación do desempeño, normativa que consideramos de alto impacto no futuro do persoal das administracións. Tras a finalización do prazo de alegacións no portal de transparencia (onde SEPGA presentou alegacións ao non poder realizalo en Mesa de Funcionarios, onde se obviou o trámite), continúa o proceso; de existir cambios na normativa, volverá levar á Comisión de Persoal, segundo informa a directora xeral.

De igual forma reclamamos que se desenvolva unha avaliación e desenvolvemento de carreira para directivos, reclamando ademais que se volvan a impartir os cursos de directivo e que llos valore adecuadamente.

Finalmente informamos de diversas incidencias na aplicación do protocolo de acoso, das dificultades para a tramitación do testamento vital posto que os interesados a son remitidos a asistentes sociais de hospitais, que se atopan saturados, cando é un trámite administrativo que non require de avaliación e podería ser atendido en unidades administrativas.

Noutra orde de cousas, outra organización sindical preguntou polo recoñecemento de grao de carreira extraordinaria do persoal de GAIN e o atraso respecto a que ocorre co xeral, aínda que a resposta foi que corresponde ao propio GAIN o recoñecemento e a tramitación do mesmo.